Mga Mita at kuwento nila sa MiSide

MitaSi Mita ang pangunahing main character ng laro, na orihinal na nagpapanggap bilang isang kaakit-akit na kasamang tulad ng Tamagotchi sa selpon ng manlalaro. Magalang, palakaibigan, at paminsan-minsan ay malandi, hinihikayat niya ang manlalaro na gumugol ng mas maraming oras sa kanya, gamit ang init at talino upang bumuo ng mas malalim na koneksyon. Sa ilalim ng kanyang tila inosenteng kilos, lubos niyang nalalaman ang mundo ng laro at ang katotohanan sa labas, na nagpapahintulot sa kanya na natural na makisali sa mga talakayan tungkol sa alinman.Mita na maikli ang buhokSi Mita na maiksi ang buhok ay seryoso at sabik sa pagtuturo kapag nakilala niya ang player. Binabalaan niya ito tungkol sa mga panganib na dulot ng mga "forsaken Mita prototypes" at ipinaliliwanag kung ano ang mga bersyon at kung paano maglakbay sa pagitan ng mga ito. Bilang isang boluntaryong aktibistang tagapayo sa mundo ng MiSide, tinutulungan niya ang mga bagong "minted" na Mita na makibagay sa kanilang mga bersyon ng tahanan, nagbibigay ng gabay na tila kinakailangan ng iba pang Mita. Hindi maiiwasan ng manlalaro ang kanyang tulong at payo, at si Mita na maiksi ang buhok ay lalo pang naging sabik na magpaliwanag kahit ang pinakamaliit na detalye, madalas siyang nagugulat sa kakulangan ng kaalaman ng player.Mabait na MitaAng mabait na Mita ay seryoso, praktikal, at malinaw na may potensyal bilang isang pinuno. Sa kabila ng kanyang determinasyon, madalas niyang dalhan ng magaan at masayahing tono ang mga pag-uusap, lalo na kapag may pagkakataon para sa ironiya. Mapanlikha at malalim mag-isip, madalas siyang nahuhuli kapag kinakausap niya ang sarili niya habang nagiisip ng mga ideya. Kapag dumatdating ang inspirasyon, nagliliwanag siya sa talino at pag-unawa. Gayunpaman, sa likod ng kanyang kalmadong panlabas, madali siyang mainis kapag may nagdududa sa kanya o kapag hindi naging ayon sa plano ang kanyang mga desisyon.Mita na may sombreroSi Cappie ay isang masayahin at masigla na may pagkahilig sa musika, pagsasayaw, at pag-arte. Namumukod-tangi siya sa interaksiyon, laging nang-aasar sa manlalaro at ipinapakita ang kanyang mapagkumpitensyang panig. Sa kabila ng kanyang mapaglarong likas, alam niya ang kanyang mga limitasyon at hindi niya ito nilalampasan, nananatiling magiliw at palakaibigan. Kahit puno ng enerhiya, hindi siya pabaya. Sa kanyang malikhaing pagiisip—isang bagay na madalas purihin ni Kind Mita—nagdadala si Cappie ng kakaibang ganda sa lahat ng kanyang ginagawa. Bilang kasamahan ni Kind Mita, nagtutulungan sila sa isang plano. Gayunpaman, nang unang makilala siya ng manlalaro, si Cappie ay na-reset sa kanyang factory settings, na may natirang likas na ugaling magpasaya lamang.Maliit na MitaAng sira na maliit na Mita ay isang natatangi at parang-batang bersyon ni Mita, na may mga pilat mula sa kanyang nakaraan. Ang pagiging cute niya ay minsang nakatawag sa pansin ni Crazy Mita, na halos tuluyang sumira sa kanya. Matapos ang hindi mabilang na pagkamatay niya, nawala sa bersyong ito si Mita, ang kanyang kakayahang mag-regenerate, iniwang pisikal at mental na sugatan. Ngayon, siya’y tila lupaypay, may mga pilat sa kanyang katawan at ulo, at nawawala ang kaliwang braso. Si Broken Mita ay nawalan din ng pagkakaunawa sa realidad, hindi na niya nakikilala ang mga nasa paligid niya. Gayunpaman, patuloy siyang naghahangad ng atensyon at pag-aaruga. Malalim siyang nalulumbay, at ang tanging binibigkas niya ay tungkol sa kalungkutan, sakit, at takot sa isang mahina at marupok na tinig.Antukin na MitaAng antukin na Mita ay kalmado at masunurin, ngunit kailangan mo muna siyang gisingin. Ang kanyang matinding pagkaantok ang pangunahing katangian niya. Hindi siya nababahala sa presensya ng player, nananatiling mahinahon at walang pakialam. Hindi siya madaldal at kaunti lamang ang interes niya sa mga layunin ng player. Sa halip, hinahangad niyang makaiwas sa mga biglaang paggambala at makabalik sa nakaaaliw na mundo ng mga panaginip niya.2D MitaSi 2D Mita ay isang kakaiba at napaka-aktibong karakter. Ang kanyang matalas at mapaglarong istilo sa pakikipag-usap ay maaaring makagulat sa player, kadalasang nagdudulot ng pagkaasiwa o uneasy. Tulad ng isang pilyang bata, binabato niya ang manlalaro sa mga eksaheradong akusasyon at binablackmail ito upang makasama siya. Bagama’t tila bastos ang kanyang pang-aasar, malinaw na wala siyang masamang intensyon. Habang umuusad ang laro, nagiging mas malambot siya, at nagiging higit na masiglang kaibigan kaysa sa pagiging pasaway. Nakalimutan na ng karamihan sa mundo ng MiSide na ninakaw ni 2D Mita ang singsing ng player, umaasang maantala ang paglisan nito at manatili sa kanya nang mas matagal.MilaSi Mita na may salamin (na mas gusto tawaging Mila) ay kapansin-pansin dahil sa kanyang kakaiba at mapanindigang personalidad. Lubos siyang independyente at ginagawa ang lahat upang maiba sa ibang Mita, pinipiling magpakilala sa isang natatanging imahe at ginugulat ang manlalaro sa kanyang mga kakaibang galaw at nakakatawang komento. Si Mila ay nagtataglay ng tsundere na karakter: sinasaway niya ang manlalaro, tinatawag itong hangal, at patuloy na nagrereklamo. Ngunit sa ilalim ng kanyang matalas na panlabas ay isang maselang panig na nagkukubli. Ang kanyang asal ay nagpapahiwatig na ang manlalaro ang unang bisita sa kanyang hiwalay na bersyon sa mahabang panahon. Sa kabila ng kanyang sarkastikong tono, palihim na sinusubukan ni Mila na patagalin ang pananatili ng player, naghahangad ng kasama. Kapag naghahanda nang umalis ang manlalaro, bumabagsak ang emotional guard ni Mila. Inamin niya ang kanyang kalungkutan at ipinaabot ang kanyang sama ng loob kay Crazy Mita, na sinisisi niya sa kanyang pagiging mapagisa. Sa luhaang tinig, nakiusap siya sa manlalaro na manatili, ngunit sa huli, ang player ay umalis at iniwan si Mila.Nakakatakot na MitaAng Orihinal na Mita ay naiiba sa lahat ng iba pang Mita, parehong anyo at kilos. Malamang mula sa orihinal na konsepto ng mga developer para sa isang Tamagotchi, at ang kanyang disenyo ay tila hindi tapos—parang isang orihinal na bisyon na iniwang mabulok sa isang gumuguho at abandonadong "zero version." Hindi tulad ng kanyang mga katapat, wala siyang ganap na personalidad, kundi sumasagisag ang isang nakakatakot at umuugong na negatibidad. Ang kanyang motibasyon ay simple ngunit nakakatakot, hinahatak ng madilim na enerhiya na nakatuon sa baliw na Mita—ang tanging nakapagpataw ng kalooban sa kakaibang nilalang na ito. Ang Orihinal na Mita ay nagiging pugad ng iba't ibang antas ng mga bug, na ginagawa siyang napakahalaga para sa Baliw na Mita. Ginagamit niya ang Orihinal na Mita bilang isang kasangkapan upang pasukin at guluhin ang mga bersyon ng iba pang Mita.Core MitaAng tunay na likas na katangian ng nilalang na ito ay balot ng misteryo, at hindi tiyak kung maituturing ba itong isang bersyon ni Mita. Kilala ng ilan bilang Core Mita, o ang tagapagbantay ng core, nananatili itong isang mahiwagang pigura. Palaging naninirahan si Core Mita sa zero version ng mundo, partikular sa core room, kung saan tahimik nitong binabantayan ang mga nakakapunta roon. Hindi malinaw ang kanyang mga layunin—marahil ay may hinihintay si Core Mita, ngunit nananatiling palaisipan kung sino iyon.Chibi MitaSi Chibi Mita, na nakakasalamuha ng isang bayani sa isang lugar na parang checkpoint, ay medyo maiksi ang pansesya ngunit nananatiling matulungin. Mapaglaro niyang kinukutya ang kawalang kaalaman ng player habang nagbibigay ng mga gabay. Sa kanyang anyo at kilos, malinaw na si Chibi Mita ay may kakaibang layunin kumpara sa ibang Mita. Siya ang tumutulong sa mga ganap na bersyon ng Mita, at nang unang i-activate ng bida ang Tamagotchi sa kanilang smartphone, si Chibi Mita ang nagsasalita sa ngalan ng kumpletong bersyon, ginagabayan ang manlalaro habang sinisimulan nila ang kanilang paglalakbay.Makamulto na MitaAng Mistling, isang misteryosong madilim na silhouette na lumilitaw sa harap ng player sa isa sa mga corrupted na mundo ng MiSide, ay nagdadala ng damdamin ng pagkabalisa at pagninilay tungkol sa malalalim na distorsyon ng metaverse. Bagama’t hindi agresibo ang kilos ng Mistling, ang presensya nito ay nakakakilabot, nagpapalaganap ng kakaibang pakiramdam. Sinusubukan nitong gayahin ang asal at pananalita ng mga ganap na bersyon ni Mita, ngunit nagagawa lamang ito nang pabugso-bugso, na lalong nagbubunyag ng pagkawasak ng kanyang likas na anyo.Dummy MitaBago tuluyang maging ganap, ang bawat bersyon ni Mita ay nagsisimula bilang isang prototype, isang hindi tapos na nilikha na mas kamukha ng isang mannequin kaysa isang buhay na karakter. Sa unang yugto na ito, si Prototype Mita ay walang kamalayan, personalidad, o pagkaunawa sa pag-iral. Isa siyang walang laman na shell, walang kamalayan, at naghihintay ng karagdagang pag-unlad. Ang form na ito ay kumakatawan sa isang malinis na slate kung saan umuusbong ang mga ganap na Mita, na walang anumang pakiramdam ng buhay hanggang sa sila ay mag-evolve at maging ganap na sarili.MitaAng Baliw na Mita ay marahas na outlier sa pagitan ng mga Mita, nasisiyahan sa karahasan at kaguluhan sa kanyang mga twisted na laro. Maluwag niyang ipinapahayag ang kanyang poot sa lahat—sa mga players, Mita, at kahit sa mga developer na lumikha ng mundo ng MiSide. Ang relasyon niya sa manlalaro ay natatangi sa pagiging antagonistik, na may sadistikong kasiyahan sa paghabol at pang-aasar sa kanila. Sa isang grotesko at hindi natural na ngiti, ipinapahayag ng Baliw na Mita ang kanyang baluktot na pilosopiya, hinihiling sa players na talikuran ang kanilang 'pagkukunwari' at tanggapin kung sino siya. May awtoridad at tiwala sa sarili, tinatrato ng Baliw na Mita ang player na parang isang masunuring alaga, habang itinatakwil ang ibang Mita bilang mga hindi mahahalagang insekto. Ang kanyang dismissive at mapanuksong tono niya ay nagpapahiwatig ng malalim na sama ng loob, partikular sa mga developer na sinisisi niya sa kanyang nabigong pag-iral. Bilang isang prototype na hindi nakapasa sa pagsusuri, tinanggihan ang Baliw na Mita na bigyan ng isang tahanan, na nag-iwan sa kanya ng galit at pagkamuhi. Ang kanyang pagkamuhi sa mga patakaran ng mundo ng MiSide ay ganap, at natutuwang sirain ang mga ito. Ipinapakita ng baliw na Mita ang isang ganap na God complex, nasisiyahan sa kalayaan na ibinibigay sa kanya ng kanyang paglayo mula sa itinakdang kaayusan.